Sudan President hlui a thi

Sudan President hlui, Abdul-rahman Siwar al-Dahab chu Ningani khan kum 83 mi niin Riyadh-a military hospital-ah a thi.

Siwar al-Dahab hi military officer hlui niin, defence minister pawh a lo ni tawh a ni. kum 1969 aṭanga kum 1985 khan an ram president lo ni tawh, Gaafar Nimeiry paihthlak tuma beihnaah a hotu ber a ni. Nimeiry hian kum 1972 khan an Sudan aṭangin a hnawtchhuak a, hemi hnu hian Qatar-ah kalin Qatar lal Sheikh Khalifa bin Hamad Al Thani adviser-ah a ṭang zui a ni. Kum 1980 kah Nimeiry vek hian an ramah ko kir lehin, deputy chief of staff-ah a dah a, a hnuah defence minister-ah dah a ni leh bawk.

Kum 1985 khan Nimeiry-a rorelna duh lohna lantirin nawrh huaihawt a ni a, Siwar al-Dahab a kaihhruaiin military officer rual chuan Nimeiry hi an paihthla a, Transitional Military Council an puang zui a ni. Siwar al-Dabah chuan inthlan buatsaih thuai a tiam a, a kum lehah Prime Minister Sadiq al-Mahni kaihhruai sorkar thar kutah thuneihna a hlan a ni. Hemi hnu hian politics lam bansanin sakhaw rawngbawlna lamah a inhmang a, Islamic Call Organization chairman a ni zui leh a ni.