China-in vaccine siamtu dollar tld 1.3 chawi tir

China thuneitute chuan rabies vaccine siamtu, Changchun Changsheng Life Sciences Ltd chu vaccine a siam chungchangah record dik lo a siam avangin dollar tluklehdingawn 1.3 chawi turin a hrem a, hei bakah company thil neihte a hreksak bawk.

July thla khan Chang-chun Changsheng Life Sciences Ltd. hi vaccine siam tawh lo tura thu pek a ni a, China Naitonal Drug Administration (CNDA) chuan a licence pawh a hlihsak tawh bawk.

China hmarchhak lam, Jilin province-a awm he company hian a damdawi leh vaccine siamnaah atan hian hmanrua expire tawh te a hmang a, product hrang hrangte a chawlhpawlh bakah mumal takin a test ngai lo nia sawi a ni. Hei bakah hian company hian an thil tih dik loh thupna atan hian a record te pawh a thukru nia puh a ni bawk. Firm chairwoman leh midang 14-te chu July thla khan man an lo ni tawh a ni.