Israel-in Gaza ramri hawng leh tawh

Israel chuan Pales-tinian-ten rocket hmanga an ram an kah avanga ni li chhung Gaza STrip ramri a khar hnuah nimin khan a hawng leh ta.

Israel Defence Minister Avigdor Lieberman chuan ramri hawnna tur thupek hi nimin khan tichhuakin, Gaza Strip-a roreltu Palestinian firfiak pawl Hamas-te'n tharum thawhna thlen belh zel tur venga hma an lakna avangin ramri hi hawn a ni leh tih a sawi.

Palestinian ram chhung aṭanga rocket kahchhuahin Israle chhim lama Juda mite chenna in a fuh avangin kar kalta Nilaini kahn Lieberman hian Keram Shalom goods crossing leh Erez crossing chu khar turin a ti a ni. Israel hian he beihna hi chhang letin, Hamas ho hmun 20 vel ze an kap let bawk.

Hamas-te chuan Israel kaptute hi an nih loh thu sawiin, he thil thleng hi a chhui chiang dawn tih a sawi a ni.

Kumin March 30 aṭang khan Gaza ramri-ah hian nitin deuh thawin Palestinian leh Israel sipaite inkarah buaina a chhuak a, buaina chhuak vang hian Palestinian mi 200 chuang leh Israel mi pakhat an thi tawh a ni. Kar kalta Zirtawpni pawh khan Gaza hmarlam ramri-ah mi tam tak an pungkhawm leh a, pungkhawmt hian Israel sipaite awmna lamah hand grenade te vawmin ramri hungna bulaha motor ke te an hal bawk.