Brexit vote lak leh phutin London-ah kawngzawh

European Union aṭanga Britain inlakchhuah tum chungchanga mipuite ngaihdan lak ṭhat leh phut-in kar kalta Inrinni khan London-ah mipuiten kawng an zawh a, mi nuai sarih dawn an pungkhawm a ni.

London-a kawngzawh hi People's Vote March tih vuah a ni a, he kawngzawhah hian Britain-a poltiical party pathum, Liberal Democrats, Green Party leh Labour Party-a mi pawimawh tak takte an tel. People's Vote March hi EU-a la awm chhunzawm zel thlawptu pawlten an huaihawt a ni.

People's Vote thupuangtu chuan EU aṭanga inlakhran tumna, Brexit chungchangah mipuite aw chu ngaichang tura an duh thu sawiin, inṭhenhran tumna hian a nghawng nasat dawn tur te, hnathawktute chanvo leh public service thlenga a ngawng dan turte an hriat thu a sawi.