CJI security pek ṭhat loh vangin Assam police officer suspend

Assam sorkar chuan Guwahati West Deputy Commissioner of Police, Bhanwar Lal Meena chu Chief Justice of India Ranjan Gogoi-a'n Assam a tlawh ṭuma venhimna a pek ṭhat tawk loh avangin Inrinni khan a suspend.

State Home Department chuan Governor hminga order a tihchhuahah, Bhanwar Lal Meena hi All India Services (Disciple and Appeal) Rules, 1969-a rules 3(1) hnuaiah suspend nghal a nih thu a sawi. He thupekah hian Secretary Home (A) Department Deepak Majumdar chuan a hming a ziak a ni.

Chief Justice of India Ranjan Gogoi leh a nupui te chu October 17 khan Guwahati-ah kalin Kamakhya Temple an tlawh a ni. Temple an tlawh lai hian CJI security pek hi a ṭhat tawk loh avangin harsatna a tawh phah nia sawi a ni.