Maldives supreme court-in inthlan result pawm

Maldives Supreme Court chuan September thlaa an ram president thlanna result tihchhuah chu pawm a nih thu Pathianni khan a sawi.

President thlanna neih zawh takah vote tihchingpen leh dik lo taka thiltih a awm nia sawiin, rorellai Progressive Party of Maldives (PPM) chuan result hi an pawm loh thu sawiin thubuai an thehlut a ni. Pathianni khan Supreme Court-a judge panga awmna bench chuan PPM thu thehluh hi ngaihtuahin, inthlan felfai lo nia party-in a sawina chu finfiahna rintlak a pe thei lo tih sawiin a hnawlsak ta a ni.

Election Commission pawhin PPM in vote tihchingpen nia a sawina chu kar hamsa khan a lo hnawlsak tawh a, an complaint thehluh hian inthlan result hi a tihdanglam tawh dawn lo tih a sawi bawk. Election Commission-in thla hmasa inthlan result a tihchhuahah, eptu pawl candidate Ibrahim Mohamed Solih chuan vote 134,705 hmuin, president ṭanglai Yameen chuan vote 96,052 chauh a hmu pha a ni.

Maldives president thar hi November 17-ah lakluh a ni ang.