Germany-in Saudi Arabia-a ralthuam hralh titawp

Germany Chancellor Angela Merkel-i chuan Saudi Arabia consulate-a Saudi journalist Jamal Khashoggi thah a nih avanga boruak ṭha lo awm chho mek avangin Saudi Arabia hnena ralthuam a hralh ṭhin chu a titawp rih tih a sawi.

Berlin-a Christian Democratic Union(CDU) party official-te nena meeting an neihnaah Merkel-i chuan hemi chungchang hi sawichhuakin, tun dinhmunah Saudi Arabia hnena ralthuam hralh chu tih theih a ni lo tih a sawi.

Merkel-i hian Saudi consulate chhunga Khashoggi thah a nih chu a dem thu sawiin, Social Democratic Foreign Minister Heiko Maas nen demna thuchhuah pawh an lo siam tawh a ni.