Jordan-in Israel hnena ram hawh tir tihtawp tum

Jordan chuan kum 1994-a peace treaty an lo siam tawh anga an ramchhunga ram pahnih Israel a luahtir chu titawp a tum tih a sawi.

Israel hian Jordan hmar lama Naharayim bial leh chhim lama Tzofar bialte chu a luah mek a, heng hmun hi Arabic-in Baqura leh Ghamr tih a ni. Ram hawhtir hi kum 25 chhung atana tih niin, tihthar leh lohin a awm mek a ni. An ram luah chin hi hectare 405 vela zau niin, Israel miten lo atan an siam a ni.

Israel Prime Minsiter Benjamin Netanyahu chuan ram hawhtirna tura inremna an lo siam tawh pawhsei dan ngaihtuahin inbiakna neihpui an tum tih a sawi.

Mahse Jordan lal King Abdullah chuan Israel hnena an ram an hawhtir chu tihtawp a duh thu a lo sawi tawh a ni. Jordan MP leh mipuiten an ram hawhtir hi pawtsei tawhlo turin King Abdullah hi an nawr nasa hle a, MP 87 chuan ram hawhtir titawp tura nawrin petition pawh an lo thehlut tawh bawk.