Britain-ah Covid-19 vaccine enchhinna tawp ber nei dawn

Pharmaceutical com­pany Janssen siam Covid-19 vaccine chu Britain-ah enchhinna a neih mekah a tawpna ber tur, phase 3 trial  neih  ṭan an tum.

Ram hrang hrangin pharmaceu­tical company leh pawl hrang hrangte siam Covid-19 vaccine enchhinna an nei mek a, heng zingah hian Janssen siam vaccine hi Britain-ah hian enchhin mek a ni. 

Janssen-in enchhinna tawp ber neih  a tum avang hian, Britain hi vaccine clinical phase 3 nei thei ram hmasa ber a ni dawn ta a ni. 

Clinic-a enchhinna tawp ber phase 3 atan hian volunteer 6,000 vel lak tum a nih thu scientist-te chuan an sawi a, volunteer-te hi nimin aṭanga lak ṭan tum a ni a, trial neih hun chhung hi thla 12 vel a awh dawn niin an ring bawk. 

He vaccine enchhinnaa an hotu University of Southampton-a pediatric immu­nology and infectious diseases professor Dr. Saul Faust chuan enchhinna tawp ber atan hian ram paruk aṭangin volunteer 30,000 ma­mawh a nih dawn thu a sawi. 

Jannsen vaccine hi Britain-a coronavirus vaccine an enchhin mek paruk zinga mi a ni a, zawh fel a nih hunah dose maktaduai 350 vel chu an buatsaih theih an ring a ni.