Australia-in Myanmar general panga hrekna siam

Australia sorkar chuan Myan-mar sipai general panga chu sipaiten Rohigya Muslim-te laka an beihpui thlak hriatpuitua puhin hrekna tur a siam. United States leh European Unoin pawhin sipai hotu ṭhenkhat hrekna hi an lo siam tawh bawk.

Australia chuan sipai officer panga-te chu Rohingya civil mite beihnaah an inrawlh nia sawiin, an thil neihte khawih chet theih lohin a hrek sak nghal a ni. Sipai officer hrek turte hi Aung Kyaw Zaw, Maung Maung Soe, Aung Aung, Than Oo, leh Khin Maung Soe-te an ni a, heng mite hi an kaihhruai unit-ten mihring dikna chanvo an palzut chungchangah mawhphurtuah an ngai tih Australia Foreign Minister Marise Payne chuan a sawi. Heng sipai officer-te hi Australia rama an kal an khap bawk.

Tunhnaia UN report tihchhuah chuan Myanmar sipaiten Rohin-gya mite an beih chu ruahmanna siam lawk vek nia sawiin, he thila mawhphurtua puh commander-in-chief leh general panga-te chu interntional law hnuaiah thubuai siamsak turin a lo phut tawh a ni. Mahse Myanmar chuan he report hi a pawm lo tih a sawi thung a, buaina chhuah chhan ber chu Rohingya helte vang a ni tih a sawi.