Ukraine President-in tlanchhiat tum lo

Ukraine president Volodymyr Zeleskiy chuan Russia sipaiten an bitum ber a nih thu a sawi a, hemi rual hian Kyiv aṭanga tlanchhiat a tum lo tih a sawi.

"Kan hmelmate chuan target number one-ah min dah a, ka chhungte chu number two. Ukraine ram hotu tihchhiat a, kan ram inrelbawlna tihchhiat vek chu an tum a ni," a ti. Mahse hemi avang hian tlanchhiat a tum lo tih sawiin, Kyiv-ah chuan a awm chhunzawm zel dawn a, a chhungte pawhin Ukraine an chhuahsan dawn lo tih a sawi a ni.

President Zelenskiy hian UK prime minister Boris Johnson pawh biain, Russia lo dang tura khawthlang ram dangte na zawka hma la turin a ngen.