Interpol-in ram 116-ah damdawi khap ton 500 man

Interpol organisation chuan Thawh-lehni khan ram 115-ah police-ten damdawi khap chi ton 500 zet an man tih an sawi. Hengte hi online-a lei theiha zawrh chhuahte niin cancer damdawi lem, nachhawkna lem leh medicial syringe te an ni tih a sawi.

France khawpui Lyon-a hmunpui nei, Interpol hian Thawhlehni khan an member ram hrang hrangah hian beihpui thlakin, hei hi Pangea XI tiin an vuah. Damdawi khap hi chin ton 500 zet manin, he thila inhnamhnawih mi 859 man a ni bawk. Damdawi hlauhawm tak an mante hi dollar maktaduai 14 man an tling a ni. Interpol chuan an beihpui thlaknaah hian weblinks 3,671 an kharsak bawk tih sawiin, hengte hi website, social media page leh online marketplace te an ni, a ti.

Tun hnaiah internet kaltlanga damdawi khap chi hralhchhuah hi a lar chho hle a, thuneituten hma lain market site tamtak kharsak tawh mah se, a zuartute hian kawng dang dapin online hmang thoin an zuar chhunzawm reng tho a ni.