Khawthlang ramten SWIFT-ah Russia bank-te hrek dawn

Ukraine laka Russia chet dan avangin European Union, US leh an thurualpui khawthlang ram dangte chuan international payment system, SWIFT aṭangin Russia bank-te an hrek dawn.

Russia central bank thil neih chu khawih chet theih lohin hrek sak a ni dawn a, hei hian ram pawn lam a thil neihte khawih chet kawngah Russia hian harsatna a tawk chho dawn a ni. Oil leh gas a thawnchhuahnaah Russia hian Swift system hi a hmang nasa hle.

SWIFT hi kum 1970 chhoa din niin, he system hmang hian kumtin dollar trillion tel transfer ṭhin a ni. Ram 200 chuanga financial institution 11,000 ten he service hi an hmang a, US leh Russia hi a hmang nasa zinga mi an ni.

SWIFT hmang thei loa Russia bank-te hrek annih chuan company leh mimal tan pawh thil lakluh leh thawnchhuahnaa sum khawih chetnaah harsatna an tawk dawn a ni. Russia rama bungrua hralh pawh a harsain, a to phah dawn a ni.