Ukraine President-in Belarus-a inbiak duh lo

Ukraine president Volodymyr Zelenskiy chuan Russia-in Belarus rama inbiak a rawtna chu a hnawl. Hemi rual hian hmun danga inbiakna nei tur erawh chuan an inhawng tih a sawi.

President Zelenskiy chuan Russia-in an ram beihna atan Belarus ram leilung a hmang a, hei vang hian he rama inbiakna neih hi a duh lo tih a sawi. "Remna leh muanna a awm a, indona tihtawp pawh kan duh a ni. Mahse Belarus khawpuia inbiak hi kan duh lo a, Warsaw, Bratislava, Budapest, Istanbul, Baku leh khawpui dangah te pawh a remchang zawk tih Russia lam pawh kan hrilh a ni," a ti.

Foreign volunteer tel theihna sipai din dawn
President Zelenskiy chuan ram dang aṭanga volunteer-te an tel theihna tur sipai an din dawn tih nimin khan a sawi.

Thuchhuah a siamah, President Zelenskiy chuan foreign volunteer-te tel theihna sipaiah hian tel turin ram dang mite a sawm nghal a, hei hi an ram an thlawpna an lantir theihna pawimawh tak a ni, a ti.