Khashoggi thah hi pawikhawihna rapthlak tak a ni : Saudi crown prince

Saudi Arabia crown prince Mohammed bin Salman chuan Saudi journalist Jamal Khashog-gi thah a ni chu a dem thu sawiin, pawikhawihna rapthlak tak a ni, a ti.

Pawikhawihtute zawn chhuah a, rorelna dik kal-pui a nih theihnan Turkey thuneitute an thawhpui tur thu a sawi.

Khashoggi thah a nih thu puanchhuah a nih hnua hemi chungchang a sawina hmasa berah, Prince Mohammed bin Salman chuan he thil thleng hian Saudi mipuite zawng zawng rilru a ti na a ni, a ti. He pawikhawihna thlenga inhnamhanwihte chu an phu ang hremna pek a nih tur thu Riyadh-a Future Investment Initia-tive Forum neiha thu a sawinaah a sawichhuak a ni. Turkey thuneitute nen an thawhho zel thu sawiin, Khashoggi chungchang hi mi tam tak chuan Saudi leh Turkey inkar boruak tihchhiat tumna atan an hmang tih a sawi a, mahse Saudi lalah Salman leh crown prince Mohammed bin Salman an awm chhung chuan an hlawhtling dawn lo a ni, a ti.

Iran President Hassan Rouhani chuan Saudi journalist Jamal Khashoggi chu US puihna telloa thah a nih a rinawm lo niin a sawi. State television-a thu a sawinaah, President Rouhani chaun " Eng ram mahin US thlawpna telloin hetiang thil hi an ti ngam lo ang", a ti. Hetianga ruahmanna fel tak hnuaia pawikhawihna thleng hi an ti thei ang tih an rin phak ngai loh thu a sawi bawk.