Jordan-ah tuilianin school bus a len

Joran rama Dead Sea bulah tuilian bawhawkin school bus a len a, mi 18 an thi.

Bus-ah hian zirlai 37 leh Zara Maeen staff pasarih an chuang a, bus-a chuangte chhanchhuah hna hi thawh nghal niin, Israel pawhin Jordan ram ngenna angin helicopter leh sipaite a tir nghal a ni. Bus-a chuang tam zawk chu chhanchhuah an ni a, an zinga ṭhenkhat chu an dinhmun a ṭha lo hle nia a sawi a ni.

Dead Sea hi khawvela hmun hniam ber, lowest point a ni a, khualzin tlawhtu an tam thei hle.

Police hotu Brig Gen Farid al-Sharaa chuan tui rawn lian thut hi km 5 bial velin an tuar tih sawiin, tourist spot tlawha kal mi ṭhenkhat chu tuipuiah te leinin, ṭhenkhat erawh chu an insaseng hman a ni.

Tuilianin chhiatna a thlen vang hian Jordan lal King Abdullah-an nimina Bahrain a tlawh tum pawh a ṭhulh phah a ni.