Russia-ah indo duh lohna lantirtu mi 2,000 chuang man

Russia ram chhung hmun hrang hrangah Ukraine do duh lohna lantir chhunzawm zel a ni a, Pathianni khan police-ten nawrh huaihawt zinga mi 2,114 an man.

Kar liam ta Ningani-a Russia president Vladimir Putin-a'n Ukraine ram beihna tur thupek a tihchhuah hnua Russia rama indo duh lohna lantir zinga mi 5,250 man an ni tawh. Lungawi lohna lantirtute hian Russia leh Ukraine ṭawngin indo an duh lohna thuziakte an keng a ni.

Russia bakah Europe ram hrang hrangah Russia-in Ukraine a run duh lohna hi lantirin kawngzawh huaihawt a ni bawk a, Pathianni khan Berlin-ah mi nuai chuang zet pungkhawmin Ukraine an thlawpna an lantir a ni.