Bangladesh PM hlui kum sarih tang turin hrem

Bangladesh court chuan an ram prime minister hlui leh eptu hruaitu ni bawk, Khaleda Zia eiruk thubuaia kum sarih tang turin a hrem.

Zia-i hi fahrah enkawl tur ten sum an dawn tichingpena puh a nih vangin kum nga tang tura hrem a lo ni tawh bawk a, kumin February thla aṭang khan jail-ah dah a ni tawh a ni. Mahse a hriselna ṭhat loh vangin damdawi-inah dah a ni a, nimina a thubuai ngaihtuahnaah pawh a tel lo a ni. Tun thla tir lam khan a fapa upa ber, Tarique Rahman chu damchhung tang tura hrem a ni lo ni tawh bawk a, mahse Rahman hi London-ah a tlanchhe mek a ni.

Judge Mohammad Akhtaruz-zman chuan kum 73 mi, Zia-i hi a thuneihna hmang sual, charity fund ami tur taka maktaduai 31.5 (dollar 375,000) chu dik lo taka hmanga puhnaah thiam loh chantirin, kum sarih tang tur hian a hrem a ni. Zia-i hian a party-te tharum thawhna thlen kaihhnawih leh eirua puhna thubuai eng emaw zat a la nei a ni.