Mi 100 chuang thata puh nurse hlui thubuai ngaihtuah dawn

German nurse hlui, damlo 100 chuang thata puh Niels Hoegel-a thubuai chu ngaihtuah ṭan a ni dawn.

Detective-te chuan kum 41 mi, Hoegel-a hian Germany hmarlama damdawi-in pahnihnah a thawhnaa damlote chu an zawh loh damdawi pein, an thih phah ṭhin niin an sawi. Hoegel-a hi a enkawl lai damlo thata puhna thubuaiah thiam loh chantirin damchhung tang tura hrem a lo ni tawh bawk a ni.

Hoegel-a hian kum 1999-2005 chhung khan Oldenburg-ah damlo 36 leh Delmenhorst-ah damlo 64 a tihlum nia puh a ni. Heng thubuaiah hian thiam loh chantir a nih chuan indopui hnuah Germany rama serial killer zingah chhiar tel a ni dawn a ni.

Kum 2005 kha Hoe-gel-a hia Delmenhorst-ah a damlo enkawl lai chu doctor damdawi chawh niloa a jection lai hmuh a nih vangin man chhuah a ni a, kum 2008 khan tualthah tuma puhin kum sarih tang tura hrem a ni. Kum 2014-15 khan midang pahnih thata puhna leh mi pahnih thah tuma puhna thubuaiah thiam loh chantir a ni leh bawk.