Myanmar: 2019 chhungin kangmei chhuakah 79 thi

Myanmar fire service department official-te chuan nimin khan report tichhuakin nikum chhung khan kangmei chhuakah mi 79 an thi tih leh mi 226 an hliam tih an tarlang.

Nikum chhung khan kangmei 2,155 ramchhung hmun hrang hrangah a chhuak tih tarlangin, chenna in  2,987, factory 24 leh warehouse 52 a chhia tih an tarlang. Kangmei chhuak vanga bungrua an chan zawng zawng hi an ram pawisa Kyat tluklehdingawm thum (US dollar mtd 2) hu vel niin an chhut. Kangmei chhuak vanga chenna in chan mi 6,359 an awm. Kangmei chhuak tam zawk hi fimkhur tawk loh vang nia tarlan niin, electric kal dik lo vanga chhuan case 599 a awm thu tarlan a ni.