Israel-in zirlaite ṭanpui dawn

Israel ministry of finance chuan Thawh­ṭanni khan university leh college-a zirlaite ṭanpui nan shekel maktaduai 800 (US dollar mtd 237) a pe dawn tih a tarlang.

Zirlaite ṭanpui an nih tur chungchang hi Israel prime minister Benjamin Netanyahu chuan a hma pawhin a lo sawi tawh a, Covid-19 hri leng vangin zirlai tam tak chuan harsatna an tawk mek a, an zirlaite an zir chhunzawm theihna turin Israel sorkar chuan hma a la chho mek a ni.

Zirlaiten an institution-a security fee an pek ṭhin chu 50%  tihhniamsak an ni dawn a, an scholarship dawn theih hun chhung chu pawhseisak an nih dawn bakah, hnathawhna hmun hrang hranga zirlaite hnathawka chhawr an nih theihna atan sorkar chuan a hma a la bawk. 

Israel-a academic year hi October thla laihawlah a inṭan a, mahse kuminah chuan dan pangngai angin class room-ah class lak a ni lo a, in lam aṭangin zirlaite chu an zirna chhunzawm tir an ni. Covid-19 hri leng vangin inkharkhip leh inkhuahkhirhna hrang hrangte hman a nih avangin inlam aṭanga zirna an chhunzawm rih hi a la ngai dawn a ni.