Syrian raltlan 400 te an ramah kir

Lebanon aṭangin Syrian raltlan 400 te chu Ningani khan an ram lamah an kir leh niin National News Agency chuan a tarlang.

Lebanon-a Aarsal aṭanga Syria rama kir leh tur raltlante hi General Securiy-ah an document-te enfel sak an ih hnuin an ramah thawn kir an ni tih official thuchhuah chuan a tarlang. Heng raltlan thawn kir hi International Red Cross leh humanitarian organization dangten an enpui a ni.

NNA chuan Burj Ham-moud-a awm Syrian raltlan ṭhenkhat pawhin an ram lamah kir leh an duh niin a sawi a, heng mite pawh hi an haw na tur buaipui sak an ni ang.

Lebanon ramah hian United Nations High Commissioner for Refu-gees-a inziaklut Syrian raltlan hi maktaduai khat chuang an awm a, Lebanon sorkar chuan Syria mi awm zat hi maktaduai 1.5 vel niin a sawi thung. Heng raltlante an ram lama hruaikir an nih theihna dan Russia-in a duan chu Lebanon thuneitute hnenah a lo pe tawh a ni.