Nigeria-ah sipai 25 that

Nigeria khawthlang lama sipai camp chu Ningani zanah khan firfiakten beiin sipai 25 an that tih an ram defence ministry chuan nimin khan an tarlang.

Inbeihna thlenna hmun hi Mali nena an inrina bula awm Chinagodrar-ah a ni a, eng pawl mahin an tih a nih thu an la tarlang lo bawk. Defence thupuangtute chuan sipaite hian firfiakte hi lo beiletin firfiak 60 aia tam an lo kap hlum ve bawk tih an sawi.

Nigeria sipaite hian firfiakte beihna hi an tawk fo a, thla hmasa lawk pawh khan firfiakten sipaite an lambunnaah sipai 71 zet an thi tawh bawk. Hemi ṭuma pawikhawihna thlentute hi Islamic State nena inzawmna nei firfiakte an nih thu tarlan a ni. 

Ningani zana inbeihna thlenna hmun Chinagodrar hi an ram khawpui Niamey aṭanga km 209 vela hlaa awm a ni.