Egypt-ah Kristian pasarih kaphlum

Egypt-a Minya khuaa Coptic Kritian monastery bulah kar kalta Zirtawpni khan mi pakhatin biakzina kal, Kristiante chuanna bus chu beiin mi pasarih a kaphlum.

He pawikhawihna hi Cairo aṭanga km 260 vela hla, Minya-a Confessor monastery bula thleng a ni. Eng pawl mahin an tih niin chhal lo mah se, Islamic State (IS) firfiak pawl nena inzawmna nei helho chuan Kristiante an bei fo a ni.

Zirtawpnia Kristiante beihna hmun hi kum 2017, May thlaa silai kengten Kristiante bei a, mi 28 an kahhlumna hmun nena inhnaih tak a ni. Archbishop of Minya, Anba Makarious chuan firfiakte hian Sohag province aṭanga monastery tlawha kalte chu an haw lamah an lo kap niin a sawi. A hmuna mi pasarih an thi nghal a, midang 14 in hliam an tuar bawk.