Engnge lo thleng tur a hrethiam pha lo : President Biden

US president Joe Biden chuan Thawhlehnia Congress member-te hmaa State of the Union address a neihah, Russia president Vladimir Putin vauin, Ukraine a beih chungchanga khawthlang ramten eng angin nge an chhan let dawn a, eng nge lo thleng zel tur a hrethiam pha lo niin a sawi.

"Khawthlang ram leh NATO chuan an che chhuak dawn lo niin a ngai a, min ṭhen hrang thei turah a inngai a ni. Mahse Putin hian a ti dik lo a ni. Kan inpeih reng e," tiin President Biden chuan a sawi. American airspace chu Russia thlawhltheihna tan khar an ni tih a puang nghal bawk.

US leh a thurualpui ramte hian Russia economy leh financial system bakah Putin hrekna turte hi an siam tawh a ni.