UNGA-in Russia demna resolution pass

United Nations General Assembly (UNGA) chuan Russia-in Ukraine a run chungchanga Russia demna leh, indo titawp a sipaite hnukkir tura phutna resolution a pass.

UNGA-in Nilainia emergency session a kohah he resolution hi ngaihtuah a ni a, Assembly-a member 193 zinga 141 in Russia demna hi an thlawp a, hetih lai hian member 35 erawh vote thlak loin an hai thung. Vote thlak lo zingah hian India leh China pawh an tel. Resolution thlawp lo lamah hian Russia bakah Belarus, Eirtrea, North Korea leh Syria-ten an vote ve bawk.