Khawpui hrang hrang bei chhunzawm zel

Russia sipaiten Ukraine-a khawpui pakhat, chhim lama lawng chawlh hmun pawimawh Kherson chauh an la thunun a, mahse khawpui dangte lak belh tumin ngawrh takin an la bei mek a ni.

Ukraine khawpui Kyiv leh khawpui lian pahnihna, Kharkiv-te chu Russia hian an la bei zel a, hei bakah nimin khan chhimchhak lama lawng chawlhna hmun, Mariupol pawh lak tumin Russia sipaite hian hualin an bei leh mek bawk. Ministry of defence chuan Mariupol hi Ukraine thuhnuaiah la awm mah se, Russia sipaite hian an hual beh vat a rinawm tih a sawi.