Oxford University zirlaiten bawng sa leh beram sa duh lo

Oxford University-a zirlaite chuan an campus chhunga canteen-ahte chuan bawng sa leh beram sa zawrh phal loh a nih theih nan vote an thlak a, hei hi khawvel sik leh sa danglam (climate change) zel tur venna atana ti a nih thu an sawi. 

Hemi chungchang hi Oxford Student Union chuan a ngaihtuah a, Union-ah hian motion put luh niin, an college canteen-a bawng sa leh beram sa zawrh khap duhtu chu an tam zawk a, hmun thuma ṭhena hmun khat chuan motion hi an thlawp a ni. 

Oxford Student Union-in bawng sa leh beram sa zawrh khapna tur motion hi pass mah se, college canteen-a bawng sa leh beram sa zuar duhte chu a huam lo niin Daily Mail chuan a tarlang. Hei bakah hian Oxford Student Union-ah hian member 22,000 awm mah se, heng mite hian university policy chu thlak thei turin thuneihna an nei lo niin  a tarlang bawk.

Motion an pass  tak chungchang hi Oxford Student Union chuan university thuneitute sawipui an tum thu an tarlang a, university policy-ah sa ei tlem chu telh an duh thu pawh an tarlang bawk a ni.