Brazil president-in thiam loh chantir a nihna khing let

Brazil President hlui Luiz Inacio Lula da Silva chuan eiruk thubuaia thiam loh chantir a nihna chu a khing let a, thiam loh chantirtu judge Serio Moro chu sorkar tharah cabinet post pek a nih avangin hei hian ṭan lam bik neia rorel a nih zia a tilang a ni, a ti.

Lula hi kum 12 tanga tura hrem a ni a, mahse hei hi ngaihtuah ṭha leh turin Brazil Supreme court-ah a thlen a ni.

Eiruk thubuaia Lula thiam loh chantirtu, Judge Sergio Moro chu Brazil president atana thlan thar, Jair Bolsonaro hnuaiah justice minister atan ruat a ni. Lula-a ukilte chuan Judge Moro hi ṭan lam nei niin, president hlui Lula hi President thlanna neih zawh takah khan a chuh ve theih lohna tura a kawng dansakah an puh. Lula hi inthlan hmaa mipui ngaihdan lakah pawh a hmahruaitu a ni a, mahse eiruk thubuaiah thiam loh chantir a nih vangin a chuh ve thei ta lo a ni.