Russia nena kan inṭhiatṭhatna a la nghet reng : China

China foreign minister Yang Wi chuan Ukraine a run avanga khawvel ram hrang hrangten Russia an dem mek karah, China leh Russia inṭhianṭhatna chu a la nghet ṭha reng tih a sawi. Hemi rual hian remna a awm theihna tura pui turin an inhuam tih a sawi nghal bawk.

Russia chetdan chungchanga ram dangten demna thu sawi a, hrekna hrang hrang an siam hnuah pawh China hian Russia demna thu hi a lo sawi lo a ni. Mahse Russia leh Ukraine inkar boruak ṭha a awm theihna atana hmalaknaah puih a inhuam thu a sawi a, hei bakah hian Ukraine tan chhawmdawlna thawn a tum tih a sawi bawk.

Wang chuan China leh Russia inlaichinna chu third party-te inrawlh avangin a danglam dawn tiin, tunhnaia US leh khawthlang ramten indona tihtawp a nih theihna tura nasa zawka inrawlh tura an phutna chu a chhang a ni.