Indopui I-na tawpna champhaah Big Ben ti ri dawn

Khawvela dar hmingthang ber zinga mi, London-a Big Ben chu Pathianni hian Indopui I-na tawpna champha kum 100-na pualin tihrik a ni dawn.

UK Parliament chuan a thuamṭhatna hna thawk mek mah se, Elizabeth Tower-a Great Bell, Big Ben tia hriat lar hi Pathianni khani Indopui leh a hnua buaina thlenga nunna chante hriatrengna atan tihrik a ni dawn tih a sawi.

Big Ben hi GMT-a dar 11.00-ah vawi 11, second 4.5 danah tihrik a ni ang. Dar 12.30-ah vawi 11 dang tihrik a ni leh bawk ang. Dar 12:30 hian Britian leh khawvel ram dangah pawh kum 1918-a Indopui I-na tawpna champha vawi 100-na pualin dar tihrik a ni hlawm dawn a ni.