Armistice Day: Khawvel pumah Indopui I-na tawpna champha hmang

Khawvel ram hrang hrangah nimin khan Indopui I-na tawpna champha vawi 100-na pualin hriatrengna hun hman a ni.

Australia-ah Indopui-I naa thite hriatrengna hun hi Canberra-a National War Memorial-ah hman a ni a, Adelaide-ah thlawhtheihna hmangin red paper poppy tam tham tak thlak a ni.

New Zealand khawpui, Wellington-ah gun salute neih a ni a, minute hnih chhung ngawi renga din a nih bakah ramchhunga biak-in hrang hranga dar-te tihrik a ni.

Europe-a hmanna pui ber, Paris-ah chuan US President Donald Trump leh Russia President Vladimir Putin te pawhin an telpui a ni. He hunah hian ram hrang hrang hruaitu 70 vel zet an tel a ni. France President Emmanuel Macron chuan he hun hi kaihruaiin, Tomb of the Unknown Soldier-ah hriatrengna hun hman a ni.

UK-ah chuan kum 1914-18 indona tawpna hriatrengna hun hmun hrang hrang hman a ni bawk a, a ṭum khatna atan central London-a White hall-a national memorial-ah mipui zinga thlan bikte tan zahna hlanna lantirna hun buatsaih a ni bawk.