Ireland President thar lalut

Ireland President atan Pathianni khan Dublin Castle-ah Michael D Higgins lakluh a ni a, president term hnih a chelhna tur a ni.

President thar lak-luhnaah hian president hlui Mary Robinson leh Mary McAleese te bakah, Taoiseach (Irish prime minister) Leo Varadkar leh Tánaiste (deputy prime minister) Simon Coveney te pawh an tel a ni.

October thlaa inthlan neihah President Higgins hian vote 56% hmuin, president term kum sarih chelh leh turin thlan nawn a ni. President candidate dang panga-te pawh Higgins lakluh inkhawmah hian an tel vek a ni.

Kristian, Juda leh Islam sakhaw aiawhte chuan inkhawm ṭannan ṭawngṭaina hun an hmang bawk.

President Higgins chuan political party hrang hrang leh mipui, a campaign thlawptute hnenah lawmthu a hrilh a, amah ringtawka an ram hruai hna chelh leh tura an thlang leh chu lawmawm a tih thu a sawi. Irish mipui zawng zawng tana president a nih tur thu sawiin, an ram hmasawnna turin theihtawp a chhuah zel dawn tih a sawi a ni.