NKorea-in missile base puanzar loh 20 a la nei : UN think tank

US think tank, Center for Strategic and Interna-tional Studies-in report a tihchhuahah North Korea chuan missile hmun puanzar loh 20 a la nei a, heng zinga 13 te chu hman reng an la ni tih a sawi.

Report tihchhuahah hian researcher Joseph Bermudez chuan heng missile hmun ṭhenkhatte hi enkawl leh tihchangtlun an ni tih a sawi bawk.

Hetihlai hian NKorea hotu Kim Jong-un leh US President Donald Trump-te chuan June thlaa Singapore-a summit an neihah Korean Peninsula aṭanga nuclear ralthuam tibo tura hmalak an lo rel tawh a, summit zawh hnu lawkah hian Trump chuan NKorea aṭanga nuclear hmanga beih hlauhthawnawm a awm tawh lo niin a sawi a ni.

NKorea pawhin kumin kumtir aṭang khan missile leh nuclear bomb enchhin te chu a tawpsan tawh tih a sawi a, Pyunggye-ri nuclear site leh Sohae missile engine test facility pawh a khar tawh tih a sawi a ni. Heng bakah hian hmun dang pawh khar chhunzawm an la ni dawn tih a sawi.