Ukraine President-in NATO member dil chhunzawm tum lo

Ukraine president Volodymyr Zelenskyy chuan NATO member nih an dilna chu nawr chhunzawm a tum tawh lo tih a sawi.

Russia-in a ngaimawh leh Ukraine ram a rûnna chhan pakhat nia sawi chu Ukraine-in NATO member-a tel a tumna hi a ni.

Ukraine President hi Russia-in an ram a run hnua no-fly zone siam tura NATO a ngenna chu an hnawlsak avangin a lawm lo hle a, indonaa an ram mipui thi an awm a nih chuan NATO vang hi a ni ang, ti hial pawhin a lo sawi tawh a ni. Hemi hnu, Thawhṭanni zana ABC News-in an kawmnaah NATO hian Russia an do let duh loh avangin zawm pawh an duh tawh bik lo tih a sawi a ni. 

"NATO hian Ukraine hi an member-a pawm hi an lo inpeih lo a ni," tiin thil harsa hmachhawn ngam lohah a puh.