South Korea President thar atan Yoon Suk-yeol thlang

South Korea President thar thlanna neih zawh takah, eptu pawl People Party candidate Yoon Suk-yeol chu thlan tlin a ni.

Campaign hautak tak an beih hnuah, prosecutor hlui Yoon chuan Democratic Party aiawha ding Lee Jae-myung lakah hnehna a chang a ni. "South Korea ram ropui taka mipuite vangin chakna ka chang thei a ni," tiin Yoon chuan National Assembly-ah a sawi.

Inthlan inhnehtawk takah, Yoon hian vote tla aṭangin 48.5% hmuin, a khingpui Lee chuan 47.8% a hmu a ni. South Korea-a mipui maktaduai 52 vel zinga 77.1%-in vote an thlak a ni.

Kum 2017-a President aṭanga an party president Park Geun-hye bantir a nih hnuah, Power Party tan chuan hnehna chhinchhiah tlak tak a ni a, hemi rual hian South Korea politics-a inhmelmakna boruak chu a rawn chhem nung leh thei dawn tih analyst-te chuan an sawi.

SKorea President-te hian term khat (kum nga chhung) bak an chelh thei lo a, an president hlui , la damte chu office an chhuahsan hnuah eiruk thubuai vangin taninah an lut deuh zel a ni. Campaign an neih chhung hian, Yoon chuan president hlui Moon Jae-in chu a hna thawk ṭha loah puhin, chhui zuiah a vau nghal a ni. Hnehna a chan zawha a thusawiah erawh inthlan chu a hmawr bawk a ni tawh a, "Inelna chu a tawp a, pumkhat kan nih theihna atan kan ṭanrual a ngai a ni," a ti.