Syria-ah IS fifiak 20 thi

War monitor group chuan Nilaini khan report tichhuakin, report an tihchhuah aṭanga darkar 24 chhung liamtaah khan US kaihhruaina hnuaia eastern Syria-a IS awmna hmuna air strike neihah Islamic State (IS) firfiak mi 20 vel an thi niin an tarlang.

Report chuan US kaihhruai pawl te hian Deir al-Zour province-a IS firfiak awmkhawmna chu an beih thu a tarlang a, heihi Syria khawchhak lama IS lian taka an inkulh ṭhiah tuma beihna a nih thu an tarlang bawk.

Syrian Observatory for Human Rights chuan US kaihhruai Syrian Democratic Forces (SDF), Kurdish kaihhruai pawl-te tia hriat chuIS beihpui thawhhnihna hi an thlak tih an sawi a, Iraq bula Euphrates lui kam vel an bei niin an sawi.

Kurdish kaihhruai pawl te hian September 10 khan beihpui an lo thlawk tawh bawk nia tarlan niin heath hian an hlawhchham a, hetah hian civil mi 10 laiin nunna an chan phah nia tarlan a lo ni tawh bawk.

Syrian sorkar chuan US kaihhruai pawl te hun rei tak chhung Deir al-Zour an beih chhan a lo zawt tawh nia sawi a ni a, henglai Iraq ramri vel hi tuialhthei tamna a nih avangin US hian an bitum nia sawi a ni bawk.

Nilaini vek khan Syria news agency SANA chuan US kaihhruaina hnuia awm indo thlawhtheihna te chuan Deir al-Zour khawchhuak lama mihring chenna chu cluster bombs leh white phosphorus hmangin an bei niin an tarlang.

Syrian Foreign Ministry pawhin Inrinni liamta khan thuchhuah siamin UN hnenah pawl dina US thurualpuite chu chhui chiang tura an duh thu an lo sawi tawh a ni.