Brexit : Draft agreement-ah thumum nei ṭep

European Union aṭanga United Kingdom-in inlakhran a tumna Brexit chungchangah a hmawr an bawk hnai niin, EU chief Brexit negotiator Michel Barnier chuan a sawi.

Barnier chuan draft withdrawal agreement phek 585-a chhah Nilaini-a tlangzarh chuan inbiakna an kalpui mek chu a hmawr an bawk ṭep tawh a tilang niin a sawi a, vawiin hian EU Council head Donald Tusk a hmuh dawn tih a sawi bawk.

Hemi chungchanah hian UK Prime Minister Theresa May chuan a cabinet-te chuan draft agreement chu an pawmpui niin a sawi a ni.

Barnier hian dan ang takin Donald Tusk hnenah hian thil awmzia a thlen dawn a, hemi hnu hi chuan Brexit withdrawal agreement ziak turin summit an nei thei tawh dawn nia sawi a ni.

UK hian nakkum March thlaah chuan EU hi chhuahsan fel a tum tawh a, hemi tur hian European Parliament pawmpuina a ngaih avangin Barnier pawh hian Strasbourg a pan dawn a, European Parliament-ah hian hemi chungchang hi a sawichhuak ang.

EU ram 27 hruaitute chuan an inremna siam hi an pawmpui a ngai a ni.