Bangladesh inthlan hun kar khatin sawn hla

Bangladesh poll authority chuan an ram inthlanpui neih hun tur chu kar khata sawn hlain, December 30-a neih turin a ti.

Kar hmasa khan Bangladesh Election Comm-ission chuan December 23-ah inthlanpui neih a nih tur thu hi a puang a ni.

Mahse eptu pawl ṭangrualte chuan inthlan neih hun tur hi sawn hla turin an ngen a, thla khata sawn hla turin ngen mah se kar khata sawn hlat a ni ta tih official chuan a sawi.

Bangladesh petu party lian ber, jail-a tang mek Prime Minister Khaleda Zia-i kaihhruai Bangladesh Nationalist Party (BNP) chuan inthlanpui hi an chuh dawn tih an sawi. BNP hian kum 2014-a inthlanpui neih chu vote tihchingpen an hlauh avangin an boycott a, Prime Minister Sheikh Hasina-i party Awami League in thuneihna an chan theih phah a ni.

Chief Election Com-missioner Nurul Huda chuan inthlanpui vawi 11-na chu December 30 hian Bangladesh ram pumah neih a ni dawn tih a puang a ni.