Italy-in EU thilphut hnawl sak

Italy sorkar chuan European Commission-in an budget ennawn tura a ti chu a hnawlsak.

Italy sorkar hian sum a hman nasat avangin leiba a ngah tawh hle a, hei hi Commission pawhin a hlauthawn pui a ni. Hei vang hian a sum hmanna tihtlem a nih theihna atan a budget chu ennawn a, siamṭha turin a ti a, mahse hei hi Italy chuan a sum hmanna tur titlem duh loin EU thil phut hi a hnawlsak a ni.

Deputy Prime Minister leh League party hruaitu, Matteo Salvini chuan cabinet meeting neih zawh hnua thuchhuah a siamah, sorkar chuan a budget pangngai chu a hmang chhunzawm dawn tih a sawi. Deputy PM dang Luigi Di Maio pawhin an budget siam tawh chu an ram kal zelna tur atana mamawh a ni tih a sawi bawk.