US-in China demna resolution pass

US House of Representatives-ah China-in Hong Kong-a human rights a palzut leh, Hong Kong mipuite dikna chanvo leh zalenna neihte a ngaih pawimawh sak loh avanga demna resolution an siam chu lungrual takin pass a ni. 

Resolution hi voice vote hmanga pass a ni a, China sorkar an dem thu sawiin, mihring dikna chanvo neihte a palzut sak ṭhin titawp tura an phutna te a tel. House speaker Nancy Pelosi chuan House chuan Tibet-a religion& culture freedom a awmna atan leh, Hong Kong-a dan dik taka rorel a nih theihna atan theihtawpin a bei zel dawn tih a sawi. 

US chuan an thawhpui ram dangte pawh Hong Kong-a thil thleng chungchanga an hmalaknaahte thawhpui turin a sawi. Hong Kong-a China sorkar policy leh chet dante thlitlai zui a, report pe ṭhin turin UN Special Rapporteur an phut a, United Nations Special Envoy for Hong Kong ruat an phut bawk a ni.