Gaza chungchang vangin Israel Defence Minister a bang

Gaza Strip-a Israel sipai leh Palestinian firfiakten ni hnih chhung an inkah hnua Israel cabinet-in inkahhai puan a remti chu duh loin, Israel Defence Minister Avigdor Lieberman a bang.

Avigdor Lieberman chuan Palestinian helte inkahhai puanpui chu firfiak kuta inpekna ang tluka a ngaih thu a sawi. A kaihhruai, right-wing Yisrael Beiteinu party chuan ṭangrual sorkar a thlawpna pawh a hnukdawk dawn tih a sawi a, hei vang hian inthlan ṭhat pawh neih a ngaih rin a ni.

Thawhṭanni leh Thawhlehni khan Palestinian helte hian Israel ramah rocket 460 zet an kap a, Israel sipaite chuan chhanglet nghalin, Gaza-ah hmun 160 an bomb zui ve nghal a ni. Hemi hnu, Nilaini khan Israel leh Palestinian helte hian ni hnih chhung atan inkahhai an puang zui nghal a ni.