Brexit Secretary a bang

British Brexit Secretary Dominic Raab chu Ningani khan a bang.

British Prime Minister Theresa May-in European Union aṭanga inlakhranna tur, Brexit deal a siam chu eptu party bakah an party thawhpui ṭhenkhat pawhin na takin an sawisel a, Secretary Raab a ban leh tak avangin sorkar tan pawh hmalak a hautak chho dawn hle a ni.

Raab chuan Brexit deal chungchanga cabinet meeting an neih zawh hnuah Secretary a nihna aṭanga a ban thu hi a puang a, May-i ruahmanna chu United Kingdom ram tan a him tawk lo nia a ngaih thu a sawi. "Inthlan neih taka kan manifesto-a he inremna siamna tura ram mipuite hnena kan thuthiamte chu kan zawm ve thei lo a ni", a ti.

November 25 hian EU aṭanga UK inlakhranna tur chungchang ngaihtuah hian EU hruaitute chuan meeting an nei ve leh dawn a ni.