Kyiv-a cheng mipui chanve velin khawpui chhuahsan tawh

Ukraine khawpui Kyiv-a cheng zinga mi maktaduai hnih dawnin an khua hi an chhuahsan tawh tih Kyiv Mayor chuan a sawi.

"Kan thudawn dan aṭangin, Kyiv-a cheng mi pahnih aṭanga pakhat zelin khawpui an chhuahsan tawh a ni," tiin Vitali Klitschko chuan Ningani khan a sawi.

Nikum khan Kyiv-ah hian mi mtd 3.5 vel cheng angin citypopulation.de website chuan a chhut. Russia sipaite hian khawpui hmarchhak lam an thleng tawh a, zan lamah highway lian ber thunun turin ralthuam ṭhahnem tak nena an chetla lai hmuh an ni bawk.