Zelenskyy-a'n Jerusalem-ah inbiakna nei turin Putin sawm

Ukraine president Volodymyr Zelenskyy chuan Russia president Vladimir Putin chu Jerusalem-ah meeting neihpui turin a sawm tih Kyiv Independent chuan a tarlang.

President Zelenskyy hian Israel prime minister Naftali Bennett chu Putin nena inbiakna an neih theihna atana palai hna thawk turin a sawm nghal bawk. "Naftali Bennet hnenah chuan Russia, Ukraine leh Belarus-te chu indona thleng meka inhnamhnawih ram vek an nih avangin he rama meeting neih chu tun hunah chuan a tihchi loh thu ka hrilh a ni," a ti.

Israel PM Bennett hian Inrinni liam takhan Russia President Putin chu darkar thum vel meeting a lo neihpui tawh a ni. Hei bakah hian telephone-in tum hnih a be tawh a, Ukraine President nen pawh hian ṭum li an inbe tawh bawk.

Ukraine foreign affairs minister Dmytro Kuleba chuan indo tihtawp a nih theihna turin inbe turin an inpeih reng tih a sawi a, hemi rual hian inpek emaw, intiamkamna thil awm chu an pawm dawn loh thu a sawi.