France rama nawrh huaihawtnaah mi 220 in hliam tuar

France ram hmun hrang hranga tuialhthei man sang zel duh lohna lantira nawrh huaihawtnaa buaina chhuakah mi pakhat a thi a, midang 220 in hliam an tuar.

Kar kalta Inrinni khan France rama hmung 2,000 velah tuialhthei man sang duh lohna lantir a ni a, heng hmun hrang hranga pungkhawm hi mi 240,000 vel nia chhut an ni. He nawrh huaihawt hi 'yellow vests' protest tia vuahsak an ni. He movement hi thla hmasaa social media-a tuialhthei man sang zel duh lohna lantirna tura kawngpui dan rawtna siam aṭanga inṭan a ni.

Nawrh huaihawtte chuan President Emmanuel Macron-a rorelna hnuaiah nikum chhungin deisel man chu 20% in a sang niin an sawi. Paris-a nawrh huaihawtte chuan President Macron bang tura phutna thuziakte an keng lang a ni.