Ukraine President-in No-Fly zone puang turin NATO ngen nawn leh

Ukraine president Volodymyr Zelensky chuan nimin khan an ram chhungah sipai thlawhtheihnate thlawh khapna, No-Fly zone puang turin NATO chu a ngen nawn leh a, an dilnate an tih hlawhtlin sak lo a nih chuan Russia-in an member state a beih mai theih thu a sawi.

"Kan van boruakte min venhim sak loh chuan in ram chhungah, NATO ram bial chhungah Russia rocket tla mai thei dinhmunah a ding a ni," tiin Zelensky chuan a sawi.

Ukraine khawthlang lam, NATO member Poland nena an inrina bula Lviv khawpuia military training ground chu Russia hian a bomb sak a, mi 35 chuang an thih bakah mi dang 130 velin hliam an tuar a ni.