China-ah 2021 kumtluana Covid-19 hri kai aiin kumin chhunga hri kai hmuhchhuah an tam tawh zawk

China ramah kum 2021 kumtluana hri kai hmuhchhuah aiin kumin chhunga hri kai hmuhchhuah an tam tawh zawk a, hri inkaichhawn awlsam tak Omicron chuan an khawpui lian Shanghai aṭanga Shenzhen thlengin a luhchilh tawh a ni.

Nimin khan China-ah Covid-19 kai thar mi 5,280 awm belh lehin, Thawhṭannia hri kai hmuh chhuah aiin a letin an tam zawk . Kumin chhung hian hri kai thar mi 9,000 chuang awm tawhin, nikum chhung zawng khan ram pumah hri kai hi mi 8,378 chauh an awm thung.

Hri kai an pun leh avangin mi maktaduai 30 vel chu inkhar­khipna hnuaiah an khawsa leh mek a, hrileng thar leh avangin mass test kalpui leh niin, hri len ṭantirh lama hmuh ṭhin, hazmat-suit nen health official-te pawh kawtthlerah hmuh tur an awm leh tawh bawk. Nimin thleng khan khawpui 13-ah full lockdown kalpui a ni a, khawpui eng emaw zatah partial lockdown kalpui mek a ni bawk.

Hri len tirh aṭangin China hian khuahkhirhna khauh tak kalpuiin, ram dangte tlawhpawh mumal theih lohin kum hnih dawn chu an inkharkhip a ni.