Council of Europe aṭangin Russia a chhuak

Russia chuan Thawhlehni khan continent huamchhunga human rights watchdog lian ber, Council of Europe chu a chhuahsan.

Russia-in a ṭhenawm ram, Ukraine a run hnuah Europe ram hrang hrang aṭanga demna leh dodalna a tawh chho tak reng avangin Council of Europe aṭanga a chhuah hi a rindan sa a lo ni lawk tawh a ni. Russia hi Indopui II-na zawh hnu lawka din, Council of Europe chhuahsan ram pahnihna a ni a, kum 1969 khan Greece chuan sipaiten thuneihna an hnehchhuh hnuah a lo chhuahsan tawh a, mahse kum nga hnua democracy tundin a nih leh hnuah a zawm leh a ni.

Council of Europe aṭanga Russia a inlakchhuah tak avangin, human rights convention chu Russia lakah hman theih a ni tawh dawn lo a, mihring dikna chanvo palzut sak chungchanga Russia sorkar laka lungawi lohna pawh a ram mipuiten European Court of Human Rights -ah an thlen thei tawh dawn lo bawk a ni.