Chicago hospital-a inkahnaah mi pali thi

US-a Chicago-a Mercy Hospital-ah an ram huna Thawhṭanni tlai dar 3 khan mi pakhatin silai a pawng kah a, mi pathum a kaphlum a, police officer-ten pawikhawihtu hi an kaphlum ve nghal bawk.

Mayor Rahm Emanuel chuan kahhlumte hi hospital staff hmeichhe pahnih, doctor leh pharmaceutical assistant bakah police officer an ni tih a sawi. Pawikhawihtu hi police officer-ten an kap let ve nghal a ni. Mahse report ṭhenkhat chuan pawikhawitu hi police-te silaia kahfuh nge, amah a inkaphlum tih a hriat chian loh niin an tarlang.

Official-te chuan hospital beitu hian hmeichhe pakhat, inkungkaihna a lo neihpui tawh beih a tum nia a lan thu an sawi a, mahse a thiltih chhan erawh hriat chian a ni lo.

Pawikhawihtu hian silai kengi hospital hi a pan a, a hmeichhe hmelhriat pakhat hi a kah hnuah building chhungah lutin a silai hi a pawng kah a, police ten an umzui nghal a, hun eng emaw chen an inkap zui a ni.